讀者投稿《以為人地賣女奶奶篇》
話說系我岩岩嫁左幾日
我老公系細仔，對上有兩個哥(都未婚)2個家姐(都已婚).本來拍拖間唔中都會去訓下同佢一家關係都無乜特別，所有聚會都會岀席一齊去過旅行添，點知開始搞結婚野發現奶奶好老土，首先系佢話金豬系我媽應該買比我做嫁妝而佢系乜都唔洗買既，但大前提系我媽咪已經買左花鏈，耳環，介子，龍鳳鈪比我做嫁妝。
第二我媽咪要我老公68000禮金，媽咪就將呢啲錢買哂金器比我陪嫁，我奶奶就話我媽搶錢，之後傾酒席要比十圍我女家，我奶奶直頭同我媽講話佢嫁個女好好賺，賺十幾萬咁，媽咪聽完好嬲嬲到話男女家分開擺我地女家自己比反自己女家請人酒席錢，咁當然最後我同老公2邊傾掂左變反一齊搞。
第三系我老爺奶奶喺我老公同我籌備期間，驚死我分哂我老公啲錢(因為我老公系三個仔中搵錢最多既人)無啦啦又話大陸要起屋問我老公拎20萬，明知我地搞結婚已經洗左好多錢。
第四到早幾日結婚當日，我班姐妹夾錢送左一條金豬頸鍊比我因為佢地知我奶奶未必會送比我，咁我連埋我媽咪比我既嫁妝一齊帶住去男家敬茶，一入男家門口我奶奶見到我帶隻金豬牌黑哂口面，原因系我敬茶比佢時佢幫我帶佢送果隻金豬牌細到慘不忍睹🤦🏼♀️見我帶住隻咁大佢身為奶奶送隻勁細自己無面所以黑面，第五去到夜晚酒席，我奶奶都系無笑過全程黑面，而所有賓客都feel到有問題，好彩有請到司儀化解到啲尷尬。。
當晚酒席我奶奶自己仲帶住條勁大條既花鍊，成班姐妹捉我老公入房問佢我奶奶系咪做show？個主角系您老婆同您喎，我老公都話佢媽過份，仲問我老公拎反錢話金豬買左3萬蚊，btw我班姐妹隻金豬大同重好多先3萬幾，佢仲好意思叫我老公比反3萬佢。。
要補充既系，我同老公結婚系無用過佢屋企一分一毫，全部系自己岀。
退一步海闊天高。
Search